O director de Turismo de Galicia e os rexedores falaron de proxectos relacionados co patrimonio natural e cultural
O director de Turismo de Galicia, Xosé Merelles, mantivo un encontro esta mañá cos alcaldes de Vilariño de Conso e de Viana do Bolo, Melisa Macía e Andrés Montesinos, para abordar distintas temas turísticos desta zona da provincia de Ourense. Intercambiaron proxectos e iniciativas relacionadas co patrimonio natural e cultural, a tradición e o impulso ao turismo rural como dinamizador do territorio.
Ademais, os rexedores presentáronlle a programación do Festival Internacional Mascarada Ibérica «ViBoMask» que terá lugar en maio e que congregará a 50 manifestacións culturais en torno as máscaras chegadas de toda a Península Ibérica.
A «ViBoMask» é a maior concentración de mascaradas do territorio nacional e portugués, espertando o interese polo seu gran valor etnográfico e cultural.
