A iniciativa será presentada con sinaturas de familias usuarias
O BNG anunciou a presentación dunha iniciativa no Parlamento Galego para reclamar á Xunta de Galiza que asuma a xestión e o custo dos conservatorios municipais por ser unha competencia da administración galega que están asumindo os concellos con recursos municipais.
O BNG do Barco xa presentara unha moción —que foi aprobada— no pleno de setembro de 2024 na que se pedía que a Xunta asumise o custo do Conservatorio de Música Municipal e
Concelleiros do BNG acompañados da deputada e portavoz de Educación no Parlamento Galego, Cristina Fernández, informaron que a iniciativa será presentada co apoio de centos de sinaturas de familias usuarias dos conservatorios, así como de veciñanza que apoia esta reivindicación.
“A formación que se presta nos Conservatorios é fundamental para moitas familias”, sinalou lamentando que “mentres os Concellos asumen os custos deste servizo que lle corresponde á Xunta, contan con menos recursos para atender os servizos municipais e as necesidades da veciñanza”, expresou.
A parlamentaria Cristina Fernández expresou que “os Conservatorios de música municipais representan na actualidade unha carga económica importante para os Concellos que os asumen e ademais supoñen un problema para a súa xestión e unha discriminación para o alumnado e o profesorado, ao non contar cos mesmos recursos que os Conservatorios que xestiona a Xunta”.
Así mesmo, o Bloque insta a Xunta a que, en tanto planifica a asunción das súas competencias, convoque axudas para que os Concellos poidan cubrir os custos da súa xestión, colabore na substitución ou cobertura de prazas vacantes ou que proporcione as ferramentas informáticas que se precisen.