Noa Presas : “O BNG está comprometido ca comarca, con Ourense e con poñer punto e final a unha discriminación do interior”
A deputada do BNG, Noa Presas; María Albert, alcaldesa da Rúa; Jesús Vilasánchez, voceiro do grupo municipal do BNG do Barco e Roberto Quiroga, responsábel comarcal de Valdeorras compareceron esta semana ante os medios de comunicación para avanza as propostas do BNG para corrixir a discriminación de Valdeorras nos Orzamentos da Xunta para o ano 2024
A deputada declaraba que “é absolutamente impresentable que nos orzamentos da Xunta haxa apenas medio millón para un hospital do Barco que precisa reforzos materiais e humanos, que non haxa propostas para a restauración medioambiental, que non haxa propostas industriais pese ao liderado da comarca e que non se aborden problemas estruturais como os das infraestruturas viarias.
A deputada nacionalista presentou unha batería de enmendas ante os medios coas que conquerir o fin da discriminación de Valdeorras nos orzamentos do PP na Xunta, empezando por blindar o dereito a unha sanidade pública de primeira, cunha dotación de persoal, atendendo especialmente a mellora de HADO, a dotación de persoal de radioloxía e a aposta por unha unidade de pneumoloxía e psilicose e mellorar a atención das urxencias cunha nova ambulancia de soporte vital avanzado.
Pero tamén, continuaba sinalando Presas, é necesario apostar pola reparación ambiental como motor económico. “Apostamos por un ambicioso plan de recuperación das zonas queimadas, pois a día de hoxe Valdeorras aínda non foi reparada polos danos dos graves incendios de 2022. “E preciso ademais investir en prevención, executando franxas de cortalumes verde e incorporando pastoreo. Apostando tamén por desenvolver o potencial da Serra da Enciña da Lastra. E polo saneamento dos ríos Sil e Casoio», precisou.
Desde a fronte nacionalista tamén presentaron enmendas para cumprir coas demandas históricas no ámbito das infraestruturas. Pediron que a Xunta aposte por despregar adecuadamente a cobertura de banda larga e 5G acabando coas zonas escuras. E comprometer máis investimento para para a mellora da OU-533
Estas emendas trasladan as demandas da sociedade valdeorresa que recolleron con Jesús Vilasánchez, concelleiro no Barco e o grupo municipal e tamén María Albert, alcaldesa da Rúa e o seu equipo coordinados por Roberto Quiroga, responsable comarcas. «Responsables políticos e orgánicos comprometidos con traballar por e para Valdeorras como amosou con intensidade María nos anos nos que estivo no Parlamento Galego traballando con intensidade», afirmou Noa Presas que remataba agradecendolles a eles «o seu enorme traballo».
