A concelleira de Cultura presentou o programa de música ao aire libre e nas terrazas do Barco
O que comenzou sendo unha alternativa aos tempos de pandemia para dinamizar a hostelería e o verán con música ao aire libre e nas terrazas, agora é unha demanda. «A xente pide Terrasón», dixo Margarida Pizcueta, durante a presentación do programa musical que desenvolverase dende o vindeiro venres, 5 de agosto, ata o 4 de setembro. A novidade e que conta por primeira vez con apoio do Xacobeo.
Margarida Pizcueta valorou que o programa queda «redondiño e cun pouquiño de todo, que é o que buscamos.
«Trátase de que haxa oferta musical pois no inverno funciona o cine e o teatro e no verán, a música».
Sin restar protagonismo aos grupos participantes, Margarida Pizcueta suliñou o concerto do rués Magín Blanco, que nos últimos anos adicouse ao público infantil e que, desta volta, volve a súas orixes facendo música para adultos, co seu espectáculo «Camiño da Luz», «recuperando unha parte da súa esencia, de cando era integrante de La Rosa», engadiu.
Magín Blanco e Rober & Piru poñen a nota valdeorresa en Terrasón. Repiten Los Mecánicos e tamén Rafa Dj, que «xa estiveran facendo algún bolo e festas no Barco» —puntualizou—. E actuarán os bercianos Nowie & The Barbers.
Outros grupos que conforman o programa son Albert Solo & The fire bird blues e Dani Barreiro &Firends.
Xógara & Owl Light Trío será a primeira banda en actuar, o venres 5 de agosto ás 22,30 cun estilo de música folk.
A música é o sal do Terrasón.
