Mantivo encontros cos alcaldes para recoller as necesidades dos concellos
O delegado territorial da Xunta en Ourense, Manuel Pardo, desprazouse esta mañá á comarca de Valdeorras para visitar os concellos da Veiga, Rubiá e Carballeda de Valdeorras, dentro da rolda de encontros institucionais que está a manter trala toma de posesión como novo representante da administración autonómica na área territorial.
Nos encontros de traballo mantidos cos alcaldes dos concellos de A Veiga, Juan Anta; de Rubiá, Elías Rodríguez e de Carballeda, María del Carmen González; repasaron asuntos de interese mutuo para as dúas administracións e falaron das necesidades destes concellos e avaliar posibles vías de colaboración desde a Xunta que contribúan á execución dos seus proxectos.
En Rubiá, o alcalde, Elías Rodríguez explicou que ían falar de temas que quedaran pendentes o ano pasado e intercambiar impresións.
Para Manuel Pardo «é fundamental que os alcaldes nos transmitan as necesidades dos seus concellos, polo tanto, a Delegación territorial está permanentemente aberta para o que precisen, xa que traballar con eles é ofrecer solucións ás necesidades dos seus veciños e veciñas».
En Carballeda de Valdeorras a alcaldesa, María del Carmen González, explicou os proxectos deste concello ao delegado, entre eles a construcción da nova ponte en Sobradelo.
